Өмгөөллийн “Анта энд Партнерс” ХХН-ийг хуульч, өмгөөлөгч Д.Түвшинтамир нь 2012 онд үүсгэн байгуулсан бөгөөд иргэний эрх зүй, захиргааны эрх зүй, бизнесийн эрх зүйн чиглэлээр хууль зүйн туслалцаа үйлчилгээг үзүүлдэг мэргэжлийн өндөр түвшинд бэлтгэгдсэн хуульчдын багийг бүрдүүлсэн хамт олон билээ.
Тус өмгөөллийн нөхөрлөл нь 10 өмгөөлөгч, 1 захиргааны ажилтан, 2 өмгөөлөгчийн туслах ажилтан, 1 нягтлан бодогч, нийт 14 хүний бүрэлдэхүүнтэй үйл ажиллагаагаа явуулж байна.
Бид бизнесийн салбар бүрийн төлөөлөл болсон Монгол Улсын нэр хүнд бүхий томоохон компаниуд төдийгүй жижиг дунд бизнес эрхлэгч компаниудтай амжилттай хамтран ажиллаж, үйлчлүүлэгчдийнхээ компанийн засаглалыг сайжруулах асуудлыг чухалчлан анхаарахын зэрэгцээ компанийн бизнесийн үйл ажиллагааг учирч болзошгүй эрсдэлээс хамгаалах, хуульд нийцсэн оновчтой шийдэл, зөвлөмж, зөвлөгөөгөөр бүрэн хангахад чиглэсэн хууль зүйн туслалцаа, үйлчилгээг үзүүлдэг.
